தூத்துக்குடி மாநகராட்சிக்குட்பட்ட 51 வது வார்டு பொதுமக்கள் தங்கள் பகுதியில் அங்கன்வாடி மையம். ரேஷன் கடை. விளையாட்டு மைதானம். நடைப்பயிற்சி. சிறுவர்கள் விளையாடுவதற்கான விளையாட்டு உபகரணங்கள் உள்ளிட்டவைகள் அமைத்து தர வேண்டும் அதுபோல எங்களது வார்டில் கழிவு நீர் தேங்கியுள்ளது சாலை வசதி செய்து தர வேண்டும் என்று அப்பகுதி பொதுமக்கள் மாநகராட்சி மேயர் ஜெகன் பொியசாமிக்கு கோரிக்கை வைத்து நேரில் வந்து பார்க்க வேண்டும் என்று கூறியதன் அடிப்படையில் அப்பகுதிக்கு நேரில் சென்று மாநகராட்சிக்கு சொந்தமான பூங்கா இடத்தை ஆய்வு மேற்கொண்டார். அப்போது பொதுமக்களிடம் இடத்தில் என்ன செய்ய வேண்டும் என்று கேட்டறிந்தார். அதன் பிறகு திரு வி க நகர் இந்திரா நகர் ஆகிய பகுதிகளில் ரோட்டில் கழிவுநீர் தேங்கியுள்ளது அதனை சரி செய்ய வேண்டும் சாலை வசதி வேண்டுமென்று கூறியதையடுத்து அப்பகுதிக்கும் நேரில் சென்று பார்வையிட்டார் உடனடியாக அதிகாரிகளிடம் தேங்கி கிடக்கும் கழிவு நீரை உடனடியாக பைப்பு மூலம் அப்புறப்படுத்த வேண்டும் அப்பகுதியில் உள்ள கழிவு நீர் வடிகாலில் தேங்கி இருக்கும் கழிவு நீரை உடனடியாக அப்புறப்படுத்த வேண்டும் என்று அதிகாரிகளுக்கு உத்தரவிட்டார்.
பொதுமக்களின் கோரிக்கைகளையும் ஏற்றுக் கொண்டு மேயர் ஜெகன் பொியசாமி கூறுகையில் உங்களின் கோரிக்கையின் படி இந்தப் பூங்கா இடத்தை வெளிப்புறம் முழுவதும் மரம் நடப்படுகிறது. அங்கன்வாடி மையம் கட்டுவதற்கு நிதி ஒதுக்கீடு செய்யப்பட்டவுடன் பூங்காவுக்கு இடம் ஒதுக்கப்பட்ட இடத்தில் ஒரு புறம் அங்கன்வாடி மையம் அமைத்து தரப்படும் வரும் காலத்தில் ரேஷன் கடை கட்டுவதற்காக நிதி ஒதுக்கீடு செய்யப்பட்டால் அதுவும் இந்த இடத்தில் கட்டித் தரப்படும் அது போல பொதுமக்கள் விளையாடுவதற்கு வாலிபால் மைதானம் அமைத்து தரப்படும் அதுபோல அந்தப் பகுதியில் சாலை அமைத்து தரப்படும். கழிவு நீர் வடிகால் புதியதாக கட்டித் தரப்படும் என்று பொதுமக்களிடம் உறுதி அளித்தார் அதுபோல உடனடியாக அங்கு தேங்கி இருக்கும் கழிவு நீரை அப்புறப்படுத்த பைப்பு மூலம் உடனடியாக கழிவுநீர் அப்புறப்படுத்தப்படுகிறது அது போல கழிவுநீர் வடிகாலில் தேங்கியுள்ள கொசுவை அளிப்பதற்காக மருந்து அடிக்கப்படுகிறது. ஏற்கனவே மாநகராட்சியில் 206 பூங்கா இடங்கள் உண்டு பல்வேறு இடங்கள் ஆக்கிரமிப்பில் இருந்து வருகிறது அதுபோல இதுவும் ஆக்கிரமிப்பில் இருந்த பூங்கா இடம் நீதிமன்ற உத்தரவின் அடிப்படையில் இந்த இடம் தற்போது கையகப்படுத்தப்பட்டு பூங்கா இடம் முழுவதும் பென்சிலிங் அமைக்கப்பட்டுள்ளது மாநகராட்சி கட்டுப்பாட்டில் உள்ளது ஆகையால் 51 வது வார்டு பொதுமக்கள் வைத்த கோரிக்கை ஒவ்வொன்றாக படிப்படியாக நிறைவேற்றிக் கொடுக்கப்படும் என்று உறுதி அளித்துள்ளார்.
ஆய்வின்போது இளநிலை பொறியாளா் செல்வம் சுகாதார ஆய்வாளா் ஸ்டாலின் பாக்கியநாதன் தலைமை செயற்குழு உறுப்பினா் இராஜா தொண்டரணி துணை அமைப்பாளர் ராமர். போல்பேட்டை பகுதி பிரதிநிதிகள் பிரபாகர் லிங்கராஜா, மற்றும் அழகு உள்பட பலா் உடனிருந்தனா்.
51 வது வார்டு பொதுமக்கள் கோரிக்கை. மேயர் ஜெகன் ெபாியசாமி ஆய்வு. பொதுமக்கள் கோரிக்கை உடனடியாக நிறைவேற்றம்