தூத்துக்குடி மாநகராட்சிக்குட்பட்ட சாமுவேல்புரம் மாநகராட்சி மேல்நிலைப்பள்ளியில் மாணவர்கள் மத்தியிலான நடைபெற்ற விழிப்புணர்வு. நிகழ்ச்சியில் மாநகராட்சி ஆணையாளர் ப்ரியங்கா சிறப்புரையாற்றுகையில் மாநகராட்சிகளின் செயல்பாடுகள் குறித்தும், தூய்மையான நகரத்தை உருவாக்குவதில் பொதுமக்களின் பங்களிப்பு குறித்தும் திடக்கழிவு மேலாண்மை பணிகளில் குப்பைகளை மட்கும் குப்பை, மறுசுழற்சி குப்பை, சுகாதாரக் கழிவுகள், சிறப்பு கவனக் கழிவுகள் என தரம் பிரித்து தூய்மைப் பணியாளர்களிடம் வழங்க வேண்டியதன் அவசியத்தையும், டெங்கு காய்ச்சல் பரவாமல் தடுப்பதற்கான முன்னெச்சரிக்கை நடவடிக்கைகள், மழைநீர் சேகரிப்பின் முக்கியத்துவம் மற்றும் நகரத்தைப் பசுமையாக்குதல் ஆகியவை குறித்தும் “பள்ளியில் கற்றுக்கொண்ட இந்த விழிப்புணர்வு கருத்துக்களை மாணவர்கள் தங்களது பெற்றோர்களிடமும், அக்கம் பக்கத்தினரிடமும் எடுத்துச் சொல்ல வேண்டும். மாநகராட்சியின் திட்டங்களும் செயல்பாடுகளும் மக்களைச் சென்றடைய மாணவர்கள் ஒரு இணைப்புப் பாலமாகச் செயல்பட வேண்டும்” என்று பேசினாா்.
நிகழ்ச்சியில் மாநகர நல அலுவலர் டாக்டர் கணேஷ், சுகாதார அலுவலர் அரி கணேசன் ஆகியோர் சுகாதாரம் மற்றும் நோய் தடுப்பு முறைகள் குறித்து கருத்துக்களைப் பகிர்ந்துகொண்டனர்.
விழிப்புணர்வு நிகழ்ச்சிக்கான ஏற்பாடுகளை பள்ளித் தலைமை ஆசிரியர் ரோபினா செய்திருந்தார். இதில் பள்ளி ஆசிரியர்கள் மாணவர்கள் கலந்து கொண்டனர்.