தூத்துக்குடி வ.உ.சி கல்லூரியின் நிலத்தியல் துறையின் உதவிப் பேராசிரியரான டாக்டர் செல்வம், அமெரிக்காவின் ஸ்டான்ஃபோர்டு பல்கலைக்கழகம் மற்றும் எல்சேவியர் பி.வி. நிறுவனத்துடன் தொடர்புடைய ஆண்டுதோறும் வெளியிடப்படும் உலகின் தலைசிறந்த 2 சதவீத விஞ்ஞானிகள் பட்டியலில் தொடர்ந்து ஆறு ஆண்டுகளாக 2021, 2022, 2023, 2024, 2025 மற்றும் 2026 இடம்பெற்று சாதனை படைத்துள்ளார்.
இப்பட்டியல், உலகளவில் 22 அறிவியல் துறைகள் மற்றும் 176 துணைத் துறைகளில் சிறந்து விளங்கும் விஞ்ஞானிகளை அடையாளம் காண்கிறது. ஸ்கோபஸ் தரவுத்தளத்திலிருந்து பெறப்படும் மேற்கோள் தாக்கம், எச்-குறியீடு உள்ளிட்ட தரப்படுத்தப்பட்ட அறிவுசார் அளவீடுகளின் அடிப்படையில் விஞ்ஞானிகளின் ஆராய்ச்சித் திறன் மதிப்பிடப்படுகிறது.
அமெரிக்காவின் ஸ்டான்ஃபோர்டு பல்கலைக்கழகம் மற்றும் எல்சேவியர் தரவுக் களஞ்சியம் வெளியிட்ட 2026ம் ஆண்டிற்கான ஓராண்டு அடிப்படையிலான தரவரிசையில், டாக்டர் செல்வம் உலக அளவில் 56,663 வது இடத்தைப் பெற்றுள்ளார். 2025ம் ஆண்டில் அவர் பெற்றிருந்த 57,017ஆவது இடத்திலிருந்து முன்னேற்றம் அடைந்துள்ளார். சுற்றுச்சூழல் அறிவியல் துறையில் உலகளாவிய தரவரிசை: 1,40,934 ஆராய்ச்சியாளர்களில் 1,253வது இடம்.– சுற்றுச்சூழல் அறிவியல் துறையில் இந்திய அளவிலான தரவரிசை: 74வது இடம். அனைத்துத் துறைகளிலும் இந்திய அளவிலான தரவரிசை: 6,922 ஆராய்ச்சியாளர்களில் 1,042ஆவது இடம் முதல் 0.15 சதவீத இடம் – தமிழ்நாட்டில் புவியியல் துறைக்கான தரவரிசை முதலிடம்.– மொத்த ஆய்வு மேற்கோள்கள் 6,100க்கும் மேல். இந்த அங்கீகாரம், அறிவியல் ஆராய்ச்சியில் டாக்டர் செல்வம் தொடர்ந்து வெளிப்படுத்தி வரும் அர்ப்பணிப்பையும், சுற்றுச்சூழல் அறிவியல், புவியியல் மற்றும் தொடர்புடைய ஆராய்ச்சித் துறைகளில் அவர் ஆற்றிவரும் பங்களிப்புகளையும் எடுத்துக்காட்டுகிறது.
நிலத்தியல் துறைக்கும் வ.உ.சி கல்லூரிக்கு பெருமை சேர்ப்பதுடன், கல்வி நிறுவனத்தின் ஆராய்ச்சித் திறனையும் உலகளவில் மேம்படுத்துகிறது. வ.உ.சி கல்லூரி சொக்கலிங்கம் தொடர்ந்து ஆறாவது ஆண்டாக இத்தகைய மதிப்புமிக்க சர்வதேச அங்கீகாரத்தைப் பெற்ற டாக்டர். செல்வத்திற்குத் வாழ்த்துகளையும் பாராட்டுகளையும் தெரிவித்து அறிவியல் ஆராய்ச்சியில் தொடர்ந்து வெளிப்படுத்தி வரும் சிறப்பான செயல்பாடுகளையும், முன்னேற்றத்திற்காக அவர் மேற்கொண்டு வரும் அர்ப்பணிப்பான பணிகளையும் பாராட்டி இந்தச் சாதனை கல்லூரிக்குப் பெருமையையும் தனிச்சிறப்பையும் தேடித் தந்துள்ளதாகவும் குறிப்பிட்டார். வ.உ.சி கல்லூரியின் முதல்வர் வீரபாகு வாழ்த்துகளைத் தெரிவித்தார்.
