தூத்துக்குடி மாவட்ட சிறப்பு திறனாளிகள் விளையாட்டு சங்கம் சார்பில், வ.உ.சி.கல்லூரி அருகேயுள்ள மாநகராட்சி டர்ஃப் விளையாட்டுத் திடலில் 8 மாவட்ட அணிகள் பங்கேற்ற மின்னொளி சிட்டிங் வாலிபால் போட்டி நடைபெற்றது.
போட்டியை தூத்துக்குடி வடக்கு மாவட்ட திமுக செயலாளரும், முன்னாள் அமைச்சருமான கீதாஜீவன் தொடங்கி வைத்து, மாற்றுத்திறனாளி வீரர்களுக்கு வாழ்த்துக் கூறி உற்சாகப்படுத்தினார். மாவட்ட சிறப்பு திறனாளிகள் விளையாட்டு சங்க நிறுவனர் தாஸ், தலைவர் யோகேஷ், செயலாளர் வெற்றிவேந்தன் ஆகியோர் முன்னிலை வகித்தனர்.
மின்னொளியில் பரபரப்பாக நடைபெற்ற சிறப்பு பாரா சிட்டிங் வாலிபால் போட்டியில், பல்வேறு மாவட்டங்களைச் சேர்ந்த வீரர்கள் தங்களது திறமைகளை வெளிப்படுத்தினர். இறுதியில் கன்னியாகுமரி அணி முதல் பரிசையும், தூத்துக்குடி அணி இரண்டாம் பரிசையும், ராமநாதபுரம் அணி மூன்றாம் பரிசையும் வென்றன. மேலும், சிவகங்கை, விருதுநகர், மதுரை, புதுக்கோட்டை உள்ளிட்ட மாவட்டங்களைச் சேர்ந்த அணிகளும், முத்துநகர் பகுதி அணியும் ஆர்வத்துடன் பங்கேற்றனர்.
தொடக்க விழாவில் மாநகர திமுக செயலாளர் ஆனந்தசேகரன், மாநகர தொழிலாளர் நல மேம்பாட்டு அணி அமைப்பாளர் முருகஇசக்கி, மாவட்ட பிரதிநிதி செந்தில்குமார், பகுதி பிரதிநிதி செல்வம் உள்ளிட்ட நிர்வாகிகள் கலந்துகொண்டு வீரர்களை வாழ்த்தினர். விழாவில் சகா குழுவினரின் வரவேற்பு கலைநிகழ்ச்சிகள் நடைபெற்றன.
போட்டிக்கான ஏற்பாடுகளை தூத்துக்குடி மவட்ட சிறப்பு திறனாளிகள் விளையாட்டு சங்க நிறுவனர் தாஸ், தலைவர் யோகேஷ், செயலாளர் வெற்றிவேந்தன், ஒருங்கிணைப்பாளர் அன்னராஜன் மோசஸ் ஆகியோர் சிறப்பாக செய்திருந்தனர்.
