சேவைக்காரமடம் ஊராட்சிக்கு உட்பட்ட காமராஜர் நகர் பகுதியில் அரை மணி நேரத்திற்கு ஒருமுறை மின்சாரம் தடைபட்டு, மீண்டும் வந்து கொண்டிருப்பதால் அப்பகுதி மக்கள் பெரும் சிரமத்திற்கு உள்ளாகி வருகின்றனர்.
தொடர்ச்சியாக ஏற்படும் இந்த மின்தடையால் குழந்தைகள், முதியவர்கள், பெண்கள், வியாபாரிகள் என அனைத்து தரப்பு மக்களும் பாதிக்கப்பட்டுள்ளனர். எப்போது மின்சாரம் இருக்கும், எப்போது தடைபடும் என்றே தெரியாத நிலை ஏற்பட்டுள்ளது.
தேர்தல் நேரத்தில் வாக்களித்த பொதுமக்கள், தங்களது அடிப்படைத் தேவையான சீரான மின்சார வசதியைக்கூட ஏன் வழங்க முடியவில்லை என்று வேதனையுடன் புலம்பி வருகின்றனர்.
இதுகுறித்து சமூக ஆர்வலர் சலூன் கடை மாதவன் மற்றும் அப்பகுதி சமூக ஆர்வலர்கள், சம்பந்தப்பட்ட மின்வாரிய அதிகாரிகள் உடனடியாக கவனம் செலுத்தி, அடிக்கடி ஏற்படும் மின்தடைக்கான காரணத்தைக் கண்டறிந்து நிரந்தரத் தீர்வு காண வேண்டும் எனக் கோரிக்கை விடுத்துள்ளனர்.
பொதுமக்களின் கோரிக்கை: காமராஜர் நகர் பகுதியில் தடையற்ற சீரான மின்சாரம் வழங்க மின்வாரிய அதிகாரிகள் உடனடியாக நடவடிக்கை எடுக்க வேண்டும் என்பதே அப்பகுதி மக்களின் ஒட்டுமொத்த கோரிக்கையா
க உள்ளது.