தூத்துக்குடி திருச்செந்தூரில் இருந்து தூத்துக்குடி செல்லும் வழியில் உள்ள முள்ளக்காடு பேருந்து நிறுத்தத்தில் பயணிகள் காத்திருப்பதற்குத் தேவையான நிழற்குடை வசதியை உடனடியாக ஏற்படுத்த வேண்டும் எனச் சட்ட உரிமைகள் கழகம் சாா்பில் நிறுவன தலைவா் வக்கீல் செல்வம் கிறிஸ்டோபா் வௌியிட்டுள்ள அறிக்கையில் கூறியிருப்பதாவது பேருந்துக்காகக் காத்திருக்கும் பொதுமக்கள் வெயிலிலும் மழையிலும் சிரமப்படுவதாக சொல்லப்படுகிறது. அன்றாடம் வேலைக்குச் செல்பவர்கள், பள்ளி மற்றும் கல்லூரி மாணவர்கள், முதியவர்கள், பெண்கள் உள்ளிட்ட பயணிகள் பயன்படுத்தும் இடத்தில், பாதுகாப்பாக நின்று காத்திருக்கவும் அமரவும் அடிப்படை வசதிகள் இருப்பது அவசியம். பேருந்து நிறுத்தம் என்பது பேருந்து வந்து நிற்கும் இடம் மட்டுமல்ல மக்கள் கண்ணியமாகவும் பாதுகாப்பாகவும் பயணத்தைத் தொடங்க வேண்டிய பொது இடமாகும். எனவே, தூத்துக்குடி மாவட்ட கலெக்டா் சம்பந்தப்பட்ட உள்ளாட்சி நிர்வாகம், நெடுஞ்சாலைத் துறை மற்றும் போக்குவரத்துத் துறை அதிகாரிகள் மூலம் முள்ளக்காடு பேருந்து நிறுத்தத்தை நேரில் ஆய்வு செய்ய நடவடிக்கை எடுக்க வேண்டும். இடத்தின் பாதுகாப்பு மற்றும் பயணிகள் பயன்பாட்டைக் கருத்தில் கொண்டு, நிழற்குடை, இருக்கைகள், போதிய விளக்குகள், பேருந்து ஏறி இறங்குவதற்கான பாதுகாப்பான இடவசதி ஆகியவற்றை ஏற்படுத்த வேண்டும். நிரந்தர நிழற்குடை அமைக்கும் பணிக்கு கால அவகாசம் தேவைப்பட்டால், அதுவரை பயணிகள் வெயிலிலும் மழையிலும் காத்திருக்க வேண்டிய நிலையைத் தவிர்க்கத் தற்காலிக நிழல் வசதியை ஏற்படுத்தவும் மாவட்ட நிர்வாகம் பரிசீலிக்க வேண்டும். ஆய்வு முடிவும் பணிகள் தொடங்கும் காலக்கெடுவும் பொதுமக்களுக்குத் தெரிவிக்கப்பட வேண்டும். முள்ளக்காடு மக்களின் இந்த அடிப்படைப் பயணத் தேவையை முன்னுரிமையாகக் கொண்டு, மாவட்ட நிர்வாகம் விரைந்து நடவடிக்கை எடுக்க வேண்டும் ெவளியிட்டுள்ள அறிக்கையில் கூறியுள்ளாா்.
முள்ளக்காடு பேருந்து நிறுத்தத்தில் நிழற்குடை அமைக்க வேண்டும் சட்ட உரிமைகள் கழகம் சாா்பில் வலியுறுத்தல்
