தூத்துக்குடி தூயமரியன்னை கல்லூரி தன்னாட்சி, சமுதாய மேம்பாட்டுத் திட்டம், உன்னத் பாரத் அபியான் அமைப்பு மற்றும் முதுநிலை உளவியல் துறை இணைந்து, எஸ்டிஜி 11, 13 மற்றும் 15 இலக்குகளின் கீழ் மரக்கன்றுகள் நடும் நிகழ்ச்சி முள்ளக்காடு பகுதியில் நடைபெற்றது. வட்டார வளர்ச்சி அலுவலர் ஊராட்சி ரஞ்சித் மரக்கன்றுகளை நட்டினாா்.
நிகழ்ச்சியில் கல்லூரி முதல்வர் முனைவர் ஷிபானா, செயலாளர் முனைவர் குழந்தை தெரேஸ், துணை முதல்வர் முனைவர் எழிலரசி, இயக்குநர் முனைவர் ஆரோக்கிய ஜெனிசியஸ் அல்போன்ஸ் மற்றும் உன்னத் பாரத் அபியான் ஒருங்கிணைப்பாளர் முனைவர் புலோமின் ரெஜி மற்றும் உளவியல் துறை ஒருங்கிணைப்பாளர் முனைவர் ஜெயபாரதி ஆகியோர் வாழ்த்துகளை வழங்கினர்.
உளவியல் துறை பேராசிரியர். ஆரோக்கிய காட்சியா ரொமினா தலைமையில், இரண்டாம் நிலை இளங்கலை உளவியல் மாணவர் தன்னார்வலர்கள் மாணவர்கள் ஆர்வத்துடன் பங்கேற்று மரக்கன்றுகளை நட்டி அவற்றைப் பாதுகாத்து வளர்ப்பதற்கான உறுதிமொழியையும் மேற்கொண்டனர்.
நிகழ்ச்சியின் முக்கிய நோக்கம், சுற்றுச்சூழல் பாதுகாப்பு, பசுமைப் பரப்பை அதிகரித்தல் மற்றும் நிலையான வளர்ச்சி குறித்த சமூக விழிப்புணர்வை ஏற்படுத்துவதாகும். மரக்கன்றுகளை நடுவதன் மூலம் இயற்கை வளங்களைப் பாதுகாப்பதன் அவசியம் மற்றும் எதிர்கால தலைமுறைக்கான பசுமையான சூழலை உருவாக்குவதன் முக்கியத்துவம் குறித்து மாணவர்களிடையே விழிப்புணர்வு ஏற்படுத்தப்பட்டது. ஒரு மரக்கன்று – ஒரு தலைமுறையின் எதிர்காலம்” என்ற எண்ணத்தை மாணவர்களிடம் விதைத்து, சமூகப் பொறுப்பு மற்றும் சுற்றுச்சூழல் பாதுகாப்பில் இளைஞர்களின் பங்களிப்பை வலியுறுத்தியது.
