தூத்துக்குடி அகில இந்திய இளைஞர் காங்கிரஸ் மற்றும் தமிழ்நாடு இளைஞர் காங்கிரஸ் வலியுறுத்தலின் பேரில், தூத்துக்குடி மாநகர் மாவட்ட இளைஞர் காங்கிரஸ் அலுவலகத்தில் இளைஞர் காங்கிரஸ் மாநகர் மாவட்ட நிர்வாகிகள் கூட்டம் நடைபெற்றது.
கூட்டத்திற்கு மாவட்டத் தலைவர் மரிய ஆல்வின் தலைமை தாங்கினார். ரென்னிஸ் பாபு முன்னிலை வகித்தார். இதில் மாநில இளைஞர் காங்கிரஸ் ஒருங்கிணைப்பாளர் ஜார்ஜ் அரோமல் கட்பட் கலந்துரையாடினார்.
அதனைத் தொடர்ந்து பத்திரிகையாளா்களுக்கு அளித்த பேட்டியில் கூறியதாவது இந்திய தேர்தல் ஆணையத்தின் செயல்பாடுகள் தொடர்பாக எழுந்துள்ள கேள்விகள், வாக்காளர் பட்டியல் மற்றும் தேர்தல் நடைமுறைகள் குறித்த சர்ச்சைகள் தொடர்பாக வெளிப்படைத் தன்மையுடன் விசாரணை நடத்த வேண்டும் என வலியுறுத்தினோம். காங்கிரஸ் வட மாநிலத்தில் தோற்பதற்கு முழுக்க முழுக்க காரணமாக இருந்தவர் ஞானேஷ்குமார். எனவே தற்போதைய தலைமைத் தேர்தல் ஆணையர் ஞானேஷ் குமார் பதவி விலக வேண்டும் என்ற கோரிக்கையை முன்வைத்தோம். தேர்தல் ஆணையத்தின் நடவடிக்கைகள் குறித்து எழுந்துள்ள குற்றச்சாட்டுகளுக்கு முழுமையான விளக்கம் அளிக்கப்பட வேண்டும் என்றும், வாக்காளர்களின் உரிமை மற்றும் தேர்தல் அமைப்பின் மீதான பொதுமக்களின் நம்பிக்கை பாதுகாக்கப்பட வேண்டும் என்றும் வலியுறுத்தினோம். வாக்காளர் பட்டியல் தொடர்பான எஸ்ஐஆர் நடவடிக்கைகள் மற்றும் தேர்தல் ஆணையத்தின் உள்நடவடிக்கைகள் குறித்து இரண்டு தேர்தல் ஆணையர்கள் எதிர்ப்புகளைப் பதிவு செய்துள்ளதாக செய்திகள் வெளியாகியுள்ள நிலையில், இதற்கு உரிய விளக்கம் மற்றும் வெளிப்படையான நடவடிக்கை தேவை என தெரிவித்தோம். மேலும், எதிர்க்கட்சித் தலைவர் ராகுல் காந்தி தொடர்ந்து எழுப்பி வரும் தேர்தல் வெளிப்படைத்தன்மை மற்றும் வாக்காளர் உரிமை தொடர்பான கேள்விகளுக்கும் உரிய பதில் அளிக்க வேண்டும் என வலியுறுத்தினோம். இந்திய தேர்தல் அமைப்பின் சுதந்திரம், நேர்மை மற்றும் நம்பகத்தன்மையை பாதுகாப்பது அனைவரின் பொறுப்பு என்றும், இதற்காக மத்திய அரசு மற்றும் தேர்தல் ஆணையம் உரிய விளக்கங்களை மக்களுக்கு வழங்க வேண்டும் இல்லை என்றால் இளைஞர் காங்கிரஸ் சார்பில் மிகப்பெரிய போராட்டம் நடைபெறும் என்று தெரிவித்தார்.
நிகழ்ச்சியில். முருகன், ஜோசப் அரவிந்த், ஆலன் ஜோஸ்வா, பொன்னரசி, மாவட்ட மீனவர் காங்கிரஸ் தலைவர் சிமியோன் அமைப்புசாரா காங்கிரஸ் தொழிலாளர்கள் பிரிவு தலைவர் சேவியரம்மாள், மாவட்ட துணை தலைவர் ராஜாராம் உட்பட பலா் கலந்து கொண்டனர்.
