ஓட்டப்பிடாரம் தொகுதிக்குட்பட்ட சோட்டையன் தோப்பு பகுதியில் வீடுகளுக்குள் மழை நீர் புகுந்தது; பொதுமக்கள் கடும் அவதி! எம்எல்ஏ சண்முகையா, மற்றும் அதிகாரிகள் வந்து ஆறுதலுக்கு கூட பார்க்கவில்லை என பொதுமக்கள் வேதனை!!! 
ஓட்டப்பிடாரம் சட்டமன்றத் தொகுதிக்குட்பட்ட மாப்பிளையூரணி ஊராட்சி பகுதியான கேவிகே சாமி நகர், ஓம் சாந்தி நகர், அ.சண்முகபுரம், மாதா நகர், வடக்கு சோட்டையன் தோப்பு போன்ற பகுதிகளில் 4 நாட்கள் தொடர்ந்து பெய்த மழையால் மழைநீர் தேக்கம் ஏற்பட்டுள்ளது. அதிலும் குறிப்பாக சோட்டையன் தோப்பு பகுதியில் உள்ள குடியிருப்பு பகுதிகளிலும் ஏராளமான வீடுகளுக்குள் மழை நீர் புகுந்ததால் பொதுமக்கள் இரவு நேரங்களில் உறங்குவதற்கு கூட இடமில்லாமல் பெரிதும் அவதியுற்றனர். அது மட்டுமல்லாமல் இயற்கை உபாதை கழிப்பதற்கு கூட முடியாமலும் அதுமட்டுமல்லாமல் வீட்டுக்குள் சமையல் செய்ய முடியாமல் தண்ணீர் புகுந்ததால் அப்பகுதி பொதுமக்கள் கடும் அவதிக்குள்ளாகி பலர் உறவினர்கள் நண்பர்கள் வீடுகளுக்கு இடம்பெயர்ந்துள்ளனர் அந்தப் பகுதியில் சாலை முழுவதும் மழை தேங்கியதால் குழந்தைகளுக்கு காய்ச்சல் போன்ற தொற்றுகள் ஏற்பட்டுள்ளது எனவும் வாகன ஓட்டிகள் மற்றும் பொதுமக்கள் மிகவும் சிரமத்துக்குள்ளாகி வருகின்றன. என்கிறார்கள் பொதுமக்கள். இது குறித்து சோட்டையன் தோப்பு பகுதியைச் சார்ந்த திராவிட விடுதலைக் கழகம் பொறுப்பில் இருக்கும் நிர்வாகி வேதனையுடன் தெரிவித்ததாவது.
சோட்டையன் தோப்பு பகுதியில் இரண்டு ஆண்டுகளுக்கு முன்பு கான் கட்டினார்கள் அதற்குப் பம்பிங் மோட்டார் அருகில் உள்ள சண்முகபுரம் பகுதியில் கட்டி வைத்துள்ளார்கள். ஆனால் அதில் இன்று வரை பம்பிங் செய்வது கிடையாது இதனால் கான் தண்ணி அனைத்தும் வெளியேற்றப்படாமல் இருந்ததால் மழைநீர் மற்றும் கழிவு நீர் வீடுகளுக்குள் புகுந்து விடுகிறது. இதனால் நான்கு நாட்களாக அவதிப்பட்டு வருகிறோம். இது குறித்து பிடிஓ விடம் மூன்று முறை தெரிவித்து விட்டோம். அதுபோல சட்டமன்ற உறுப்பினர் சண்முகையா அவர்களுக்கும் பலமுறை போன் செய்தும் அவர் போன் எடுக்கவில்லை பாமர மக்களாகிய எங்களது போனை தான் எடுக்கவில்லை என எங்கள் பகுதியில் உள்ள வழக்கறிஞர் ஒருவரை வைத்து எம்எல்ஏவுக்கு போன் செய்தோம் அப்படியும் அவர் எங்கள் பகுதிக்கு வந்து பார்க்கவில்லை அதுபோல் பிடிஒ க்களும் வரவில்லை கடந்த இரண்டு ஆண்டுகளுக்கு முன் பெய்த மழையும் போது எங்கள் பகுதி மக்களுக்கு இதே நிலைதான் சோட்டையன் தோப்பு பகுதி மக்கள் அந்த நேரத்தில் போராட்டம் நடத்தி மறியல் செய்த பிறகு சட்டமன்ற உறுப்பினர், அதிகாரிகள் விரைவாக வந்து மழை நீரை வெளியேற்றும் பணியில் ஈடுபட்டனர். அதுபோல் இப்போதும் எங்கள் பகுதி மக்களை போராட தூண்டாதீர்கள் சண்முகபுரம் பகுதி வரை வரும் அதிகாரிகள் சட்டமன்ற உறுப்பினர், ஆகியோர் சோட்டையன் தோப்பு பகுதி மக்களை ஏன் புறக்கணிக்கிறீர்கள்? தாழ்த்தப்பட்ட மக்கள் இந்த பகுதியில் நாங்கள் அதிகமாக வசித்து வருவதால் எங்களை புறக்கணிக்கிறீர்களா? என வேதனையுடன் தெரிவித்தார். ஓட்டப்பிடாரம் எம் எல் ஏ, மற்றும் அதிகாரிகள் குழு எங்கள் பகுதியில் உள்ள மழை நீரை வெளியேற்ற நடவடிக்கை எடுப்பது மட்டுமல்லாமல் இங்கு கட்டப்பட்ட காண்களில் பம்பிங் செய்து கழிவு நீரை வெளியேற்ற வேண்டும் காலம் தாழ்த்தும் பட்சத்தில் மிகப்பெரிய மறியல் போராட்டம் நடத்துவோம் என தெரிவித்தார். மேலும் அப்பகுதி பொதுமக்கள் பலரும் எங்கள் பகுதி தொடர்ந்து புறக்கணிக்கப்பட்டு வருகிறது மழைநீர் வீட்டிற்குள் புகுந்ததால் எங்களது அனைவரின் இயல்பு வாழ்க்கை முற்றிலும் பாதிக்கப்பட்டு விட்டது இதில் மாவட்ட நிர்வாகமும் அரசும் உரிய நடவடிக்கை மேற்கொள்ள வேண்டும் என தெரிவித்தனர்….
