தூத்துக்குடி மாவட்டம் பள்ளிக்கல்வித்துறை சார்பாக மாநில அளவிலான பாரதியார் தின குடியரசு தின 2026-2027 ஸ்குவாஸ் போட்டிகள் மாணவ மாணவியர்களுக்காக 11.11.2026 முதல் 14.11.26 வரை நடைபெறுகிறது. 11.11.26 மற்றும் 12.11.26 ஆகிய தேதிகளில் மாணவியர்களுக்காகவும் 13.11.26 மற்றும் 14.11.26 தேதிகளில் மாணவர்களுக்காகவும் இந்த போட்டிகள் நடைபெறுகிறது.
தூத்துக்குடி கேம்ஸ் வில்லா மைதானத்தில் நடைபெற்ற விழாவில் தூத்துக்குடி முதன்மை கல்வி அலுவலர் முனைவர் சங்கீதா சின்னராணி துவக்கி வைத்து வாழ்த்துரையை வழங்கினாா்.
முதன்மை உடற்கல்வி ஆய்வாளர் (பெண்கள்) முனைவர் ஜெயலஷ்மி அவர்களும், மாவட்ட தனியார் பள்ளிகள் கல்வி அலுவலர் சிதம்பர நாதன் இடைநிலை கல்வி அலுவலர் முனியசாமி கேம்ஸ் வில்லா மைதானத்தின் நிறுவனர் ரைபின் தார்சியஸ் ஆகியோர் மாணவ மாணவியர்களுக்கு வாழ்த்துரை வழங்கினாா்கள்.
தூத்துக்குடி மாவட்ட உடற்கல்வி ஆய்வாளர் முனைவர் கண்ணதாசன் அனைவரையும் வரவேற்று, போட்டிகள் நடைபெறுவதற்கு அனைத்து வகைகளிலும் தங்களது சிறந்த பங்களிப்பை தந்த அனைவருக்கும், நன்றி தெரிவித்தார்.